Полного молебного пения, как ни странно, в обычных источниках не нашлось. Поэтому к обычному молебну (служится у нас по воскресеньям) решили добавить следующие составляющие:
Апостол к Ефесеем, 233 зачало (в приложении служебного Апостола на всякую потребу это чтение и прокимен указаны «о сохранении воинов»)
Братие, возмогайте о Господе и в державе крепости Его, облецытеся во вся оружия Божия, яко возмощи вам стати противу кознем диавольским, яко несть наша брань к крови и плоти, но к началом и ко властем и к миродержителем тмы века сего, к духовом злобы поднебесным. Сего ради приимите вся оружия Божия, да возможете противитися в день лют и вся содеявше стати. Станите убо препоясани чресла ваша истиною, и оболкшеся в броня правды, и обувше нозе во уготование благовествования мира, над всеми же восприимше щит веры, в немже возможете вся стрелы лукаваго разжженныя угасити. И шлем спасения восприимите, и мечь духовный, иже есть Глагол Божий.
Еф 6:10–17 (текст в переводе)
.
Прокимен гл.4: Господь крепок и силен, Господь силен в брани.
Стих: Господня земля и исполнение ея вселенная и вси живущие на ней.
.
Евангелие от Луки, 70 зачало (в приложении служебного Евангелия на всякую потребу это чтение указано «при нашествии варваров». Иных чтений при военной обстановке не указано)
Во время оно, приидоша нецыи ко Иисусови, поведающе Ему о Галилеех, ихже кровь Пилат смеси с жертвами их. И отвещав Иисус рече им: мните ли, яко Галилеане сии грешнейши паче всех Галилеан бяху, яко тако пострадаша? Ни, глаголю вам, но аще не покаетеся, вси такожде погибнете. Или они осмьнадесяте, на нихже паде столп Силоамский и поби их, мните ли, яко тии должнейши бяху паче всех живущих во Иерусалиме? Ни, глаголю вам, но аще не покаетеся, вси такожде погибнете. Глаголаше же сию притчу: смоковницу имяше некий в винограде своем всаждену, и прииде ищя плода на ней, и не обрете. Рече же к винареви: се, третие лето, отнелиже прихожду ищя плода на смоковнице сей, и не обретаю, посецы ю убо, вскую и землю упражняет? Он же отвещав рече ему: господи, остави ю и се лето, дондеже окопаю окрест ея и осыплю гноем. И аще убо сотворит плод, аще ли же ни, во грядущее посечеши ю.
Лк 13:1–9 (текст в переводе)
.
Молитва (эту молитву Патриарх Московский и всея Руси Кирилл сотворил 25.09.2022 на Литургии в храме блг.кн. Александра Невского близ посёлка Переделкино)
Господи Боже сил, Боже спасения нашего, призри в милости на смиренныя рабы Твоя, (здесь помянем имена воинов) услыши и помилуй нас: се бо брани хотящия ополчишася на Святую Русь, чающе разделити и погубити единый народ ея.
Возстани, Боже, в помощь людем Твоим и подаждь нам силою Твоею победу.
Верным чадам Твоим, о единстве Русския Церкви ревнующим, поспешествуй, в духе братолюбия укрепи их и от бед избави. Запрети раздирающим во омрачении умов и ожесточении сердец ризу Твою яже есть Церковь Живаго Бога, и замыслы их ниспровергни.
Благодатию Твоею власти предержащия ко всякому благу настави и мудростию обогати!
Воины и вся защитники Отечества нашего в заповедех Твоих утверди, крепость духа им низпосли, от смерти, ран и пленения сохрани!
Лишенныя крова и в изгнании сущия в домы введи, алчущия напитай, недугующия и страждущия укрепи и исцели, в смятении и печали сущим надежду благую и утешение подаждь!
Всем же во дни сия убиенным и от ран и болезней скончавшимся прощение грехов даруй и блаженное упокоение сотвори!